Assalamu 'alaikum wr.wb.
Bismillaahirrahmaanirrahiim...
الســلام عليكم ورحمة
الله وبركاته
الحمدلله الّذى اعدّ
الجنة للصّائمين المتّقين, اشهد ان لاّاله الاّالله وحده لاشريك له اليقين. واشهد انّ محمّدا عبده ورسوله صادق الوعد
الامين , اللّــهمّ صلّ وسلّم على سيّدنا
محمّد اشرف الانبياء والمرسلين , وعلى اله
وصحبه ومن تبعه الى يوم يبعثون, امّا بعد, ايّها الحاضرون اتّقوا الله حقّ تقاته
ولاتموتنّ الاّ وانتم مسلمون .
اعوذ بالله من الشّيطان الرّجيم, بسم الله الرحمن
الرحيم.
يا ايّها الذين امنوا كتب عليكم الصّيام كما كتب
على الّذين من قبلكم لعلّكم تتّقون (البقره 183)
INTISARI PUASA
Puji Syukur disanggakeun ka Dzat anu maha suci, anu parantos
nyawiskeun surga pikeun jalmi anu Puasa sarta Taqwa.
Sholawat sareng salam mugia
dilelerkeun ka jungjunan alam anu mulya Kangjeng Nabi Muhammad SAW. katut ka
Kulawargi, Shohabat sareng anut ka Anjeuna.
Hadirin Sidang Jum’at
Rohimakumulloh.
Al Hamdulillah urang sadaya dugi
kana dinten ka 6 tina sasih Romadhon masih tiasa ngalaksanakeun ibadah puasa,
ibadah anu meryogikeun perjuangan sareng pengorbanan anu teu kinten abotna,
mudah-mudahan urang sadaya dipaparin kakiatan salamina, tiasa dugika rengse
ngalaksanakeun ibadah puasa ieu.
Puasa memang mangrupikeun
Syare’at anu cekap buhun dina kahirupan beragama, setiap Rosul nyandak ajaran
Puasa. Nanging cara pelaksanaannana anu benten-benten, sesuai sareng situasi,
kondisi masyarakat anu dipayunan ku masing-masing Rosul.
Puasa anu bahasa Arabna disebat
Ash Shaum sami sareng Al Imsak anu hartosna Nahan diri tina hiji perkara. Dina
pengertian Syar’i, Puasa nyaeta nahan diri tina sagala rupi anu matak
ngabatalkeun, ti kawit bijil fajar dugika surupna panon poe.
Seueur hal anu kedah dipelajari,
dipahami, ditafakuri oge diamalkeun tina ibadah Puasa ieu, Intisarina tina
pelaksanaan ibadah puasa nyaeta, terbentuk Pribadi Mumin Muttaqin.
Berhasil atanapi henteuna urang
ngalaksankeun ibadah puasa, bakal katingali dina INTENSITAS KATAQWAAN saba’da
rengse ngalaksanakeun puasa.
Urang nembe tiasa leres-leses
disebutkeun Puasa, manakala tos kaluar tina bulan Romadhon.
Naha Kadar sareng Kwalitas
kepribadian urang meningkat kana Tataran Muttaqin atawa henteu ? Upami henteu,
maka urang sadaya nembe tiasa dugi kana Pelaku RUTINITAS RITUAL atanapi Pelaku
Tradisi wungkul, teu benten seperti murid TK, anu keprok bari teu terang kana
ma’na/ maksud & tujuan Keprok eta.
Hadirin Sidang Jum’at
Rohimakumulloh.
Taqwa, numutkeun Imam Kusaeri
terdiri tina Opat huruf, anu masing-masing hurufna mangrupakeun simbol tina
pribadi jalmi anu Taqwa.
Ka Hiji TA ( )
anu ngalambangkeun sikap TAWADHU atanapi Rendah hati.
Jalmi anu Taqwa moal ngagaduhan
sifat Sombong.
Pami urang bade rajin nala’ah
kana Puasa, maka puasa mangrupakeun Moment istimewa anu disadiakeun ku Alloh
Swt pikeun Penanaman kesadaran kana kalemahan sareng katerbatasan kamampuan anu
dimliki ku urang sadaya.
Ya Alloh……kakara oge teu barang
tuang-leueut sadinten, tos seperti kieu leuleusna, komo pami tilu – opat atawa
lima dintena.
Pengalaman anu sepertos kieu,
mangrupakeun pelajaran, tentang kelemahan manusiawi sareng katerbatasan
Biologis urang, ti dieu, maka bakal timbul kesadaran.
“ Naon sih anu bisa disombongkeun
dipayuneun Alloh…… ?
BENGHAR ….? Saha sih anu
pangbengharna ?....
ILMU….……..? Saha sih anu pangpinterna ?.....
JABATAN/KAKASAAN..? Saha sih anu
boga pangkat pangluhurna jg pangkawasana ?...
Sadayana teu aya hartosna pami dibandingkeun jeung Kakawasaan Alloh swt.
Jeung kasadaran seperti ieu
pisan, mangrupakeun Sendi Dasar tina sifat Tawadhu.
Kasadaran ieu oge, anu langkung
tebih bakal ngabentuk STABILITAS TEMPARATUR BATIN, jalmi bakal tetep KONSISTEN
ngarawat nilai-nilai Idealisme anu dimilikina.
Pami berangkat tina keadilan,
ditengah perjalanana oge bakal pinuh ku kaadilan, sareng diakhiri ku kaadilan
oge.
``````
Huruf ka dua tina Taqwa nyaeta
QOF ( )
QOF sebagai simbol tina sifat
QONA’AH anu hartosna Ngarasa Cukup.
Puasa ngalatih urang sadaya,
supaya ngarasa cukup.
Ahli Tashauf nyaurkeun:
Ari Jalmi anu qonaah eta jalmi
anu benghar, sanajan faqir.
Ari jalmi anu kadedemes kana
dunya eta jalmi anu miskin, sanajan benghar.
Salah sawios pangalaman jalmi anu
puasa, nalika nuju ngalaksanakeun puasa, cenderung sagala rupi tuangeun
dikumpul-kumpul, sagala rupi bade di tuang/ dileueut dina waktu buka.
Tapi nalika waktu buka sumping,
ternyata, nembe ku saregot cai, sapotong Roti, korma dua siki, tos karaos
wareg. Kamana kahoyong anu tadi siang menggebu- gebu ? ternyata kebutuhan
lambut urang, teu saseueur anu dipikahoyong.
Peristiwa ieu, masihan pelajaran
ka urang sadaya, bahwa nalika urang berhadapan jg kakayaan, urang kedah
berpijak atas dasar KEBUTUHAN ulah berpijak atas dasar KEINGINAN.
Ieu pisan prinsif dasar tina
Qona’ah, istilah sanes, Ibadah puasa nganterken pelakuna jauh tina sifat Tamak
bin Rakus alias Sarakah, margi jalmi anu Sarakah, moal ngarasa cukup tina anu
dipasihkeun ku Alloh ka dirina.
Islam teu ngalarang urang
ngamiliki harta kakayaan, tapi anu dilarang, urang diperbudak, dikuasai ku
harta kakayaan. Sahingga teu aya waktu pikeun ngabdikeun diri ka Alloh, waktuna
seep diangge ngagugulung kadunyaan, ti mimiti beunta nudipikir dunya, nepika
rek sare, hate masih pajuriwet jeung dunya, bahkan aya anu teu bisa sare balas
mikiran kadunyaan.
Kasab, milari nafkah mangrupikeun
upaya pikeun memenuhi kebutuhan hirup sanes pikeun nuturkeun kahoyong Nafsu.
Margi pami nuturkeun kahoyong
nafsu kasusna bakal seperti anu ngaleueut cai laut, makin seueur ngaleueut
makin haus.
Dauh Nabi SAW:
Lamun anak adam geus ngamiliki harta Sajurang, maka
pasti bakal berusaha deui pikeun ngamiliki dua jurang, jeung lamun geus ngamilki
dua jurang, pasti bakal berusaha pikeun ngamiliki tilu jurang. Jeung moal aya
hiji perkara anu bisa minuhan kahayangna anak adam kajaba taneh tempat kubur,
nyaeta maot.
Jeung Alloh bakal narima kana
tobatna jalma anu tobat.
Huruf anu ka tilu tina Taqwa
nyaeta WAU ( )
WAU simbol tina sifat WARO’
hartosna, Kajaga/kariksa tina barang subhat atanapi Haram.
Jalmi anu ngagaduhan sifat Waro’
maka bakal kariksa tina sagala rupi anu subhat/haram. Kalintang lucuna, pami
buka puasa ku barang anu subhat/haram.
Ka opat huruf YA ( ) hartosna Yaqin.
Jalmi anu berhasil/sukses Puasana
maka bakal ngamiliki Kayaqinan anu kuat. Sareng kayaqinan anu kuat mangrupakeun
ciri jalmi anu Taqwa.
Ringkesna, Puasa anu
berhasil/sukses, nyaeta puasa anu tiasa nganterkeun pelakuna janten jalmi anu
taqwa, kalintang bagjana jalmi-jalmi anu berhasil ngaraih darajat Muttaqin,
margi Alloh parantos ngajangjikeun:
ومن يّـتّـق الله يجعل له مخرجا ويرزقه من
حيث لايحتسب.
Hartosna: Saha Jalmi anu Taqwa ka
Alloh, maka Alloh bakal masihan jalan kaluar (tina sagala mas’alah) ka dirina,
sareng Alloh bakal ngarizkiyan tina jalan anu teu disangki-sangki ka dirina.
(Q.S. Ath tholaq ayat 2)
بارك الله لى
ولكم ولجميع المسلمين
( خطبة الثانى )
الحمد لله الذى ارشد
من شاء من عباده الى افضل الطاعات .
اشهد
ان لا اله الله المتصف بجميع الكمالات واشهد ان محمدا عبده ورسوله الذى فى نفسه
جميع الاخلاق المحمودات.
اللهم
صل وسلم على سيدنا محمد ذى الاستقامة فى الدين واكتساب السعادات وعلى اله واصحابه
المتقين الحفظين لسانهم عن الاقوال المكروهات . امّا بعد .
ايها الحاضرون اتقوا الله الذى بيده الشفاعات.
اللهم
صل وسلم على سيدنا محمد وعلى اله وصحبه اجمعين. امين
اللهم
اغفر للمسلمين والمسلمات والمؤمنين والمؤمنات الاحياء منهم والاموات انك سميع قريب
مجيب الدعوات.
اللهم
ربنا تقبل منا صلاتنا وصيامنا وقيامنا وقرائتنا وركوعنا وسجودنا وقعودنا وتسبيحنا
وتهليلنا وتضرّعنا وخثوعنا وتخشعنا ولاتضرب بها وجوهنا يااله العالمين
وياخيراالناصرين برحمتك ياارحم الراحمين وصلّ الله على سيّدنا محمّد وعلى اله
وصحبه وسلّم.